Арча районында «Беләм. Юл хәрәкәте кагыйдәләрен үтим» проекты узачак

Көзен Татарстанда «Беләм. Юл хәрәкәте кагыйдәләрен үтим» проекты узачак, анда республиканың 15 районыннан 4020 укучы катнашачак. Проектны «Юл хәрәкәте иминлеге» ДБУ, Татарстан Дәүләт автоинспекциясе, ТР Мәгариф һәм фән Министрлыгы һәм ТР Фәннәр Академиясенең Тормыш иминлеге фәнни үзәге оештырды.

Проектта урта сыйныф укучылары катнашачак – нәкъ менә алар, 2025 ел статистикасы буенча, юл-транспорт һәлакәтенә еш эләгә. Дәрес 1,5 сәгать дәвам итәчәк, әмма балалар конспектлар белән лекцияләр язмаячак, ә үзләренә машина йөртүчеләр, пассажирлар һәм җәяүлеләр ролен сынап караячак, шуннан соң баш мие штурмнарында һәм викториналарда катнашачак. Ахырда барлык балалар сертификат, хат-юллама һәм яктылыкны кире кайтара торган брелок алачак.

Дәресләр Яр Чаллыда, Арча, Тукай, Әлмәт һәм Татарстанның башка районнарында узачак. Беренче дулкын – 2000 бала – дәресләрне сентябрьдә үк башлый. Тагын 2020 укучы ноябрьдә кушылачак.

«Беләм. Юл хәрәкәте кагыйдәләрен үтим» республикада 2021 елдан бирле үткәрелә. Бу вакыт эчендә программа аша инде 11 мең кеше үтте, ә ел ахырына катнашучыларның гомуми саны 15 меңгә җитәчәк. ЧЫГАНАК

  Фото проектны оештыручылар тарафыннан тәкъдим ителде