Арча яңалыклары
Арчада мәктәп ярминкәсе гөрли (фоторепортаж)
Бу көнне елдагыча Арча халкы көтеп алды
Бу көнне елдагыча Арча халкы көтеп алды. Чөнки мәктәп ярминкәсеннән арзан бәядән күп төрле яшелчә, җиләк-җимеш, кышка сакларга дип консервланган әйберләр һәм башка кирәк-яраклар туплап калырга була. Бүген дә халык бик күп килгән иде. Һәр мәктәп бик нык әзерләнгән. Сатыласы әйберләргә генә түгел, бизәлешкә, аларны, үзләрен тәкъдим итүгә дә зур урын биргәннәр. Нәкъ бәйрәм төсен алган ярминкә. Шунда гына концерты бара, паркта - чәчәкләр күргәзмәсе оештырылган. Андагы матурлыкка - исең китәрлек.
Ярминкәгә район башлыгы Илшат Нуриев килгән иде. Һәр мәктәп урнашкан нокта янына тукталып, танышып чыкты.Ярминкәгә дә, чәчәк күргәзмәсенә дә югары бәя бирде, мәктәпләр коллективына рәхмәтен белдерде.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев