Арск-Информ
  • Рус Тат
  • "Арча хәбәрләре" газетасы призына шахмат турниры узды

    Бүген, 10 март көнне Арчаның 7нче мәктәбендә шахмат турниры узды

    Тарихи вакыйгага әйләнеп баручы шахмат турнирында быел 17 команда катнашты. "Арча хәбәрләре" күчмә кубогын узган ел шәһәребезнең 5нче номерлы гимназиясе яулаган булса, бүгенге турнирда кубок Арчаның 1нче мәктәбе командасына (Тренерлары - Айдар Яхин) тапшырылды. 

    Турнирны "Арча хәбәрләре" редакциясенең баш мөхәррире Исрафил Насыйбуллин ачып җибәрде. "Шахмат уены - ул акыллылар уены. Монда бары акыл көче белән генә җиңеп була. Һәр килгән укучыга уңышлар телим, матур уеннар күрсәтегез",- дип башлады ул чыгышын.  Баш хөкемдар Сөләйман Галиуллин да, уенның төп кагыйдәләрен тагын бер кат ассызыклап, үзенең хәер-фатыйхасын бирде. 

    Реклама

    Дүрт сәгатькә якын барган кызу уен нәтиҗәләре буенча, җиңүчеләр 3 тактада билгеләнде. Беренче тактаның беренче урынын яулаучы - Арчаның 1нче мәктәп укучысы Рөстәм Нурмиев. Икенче тактаның беренче урынын Мәлик Мөхәрләмов һәм өченче тактаның берече урынын Гөлия Сабирова яулады. 

    Калган җиңүчеләрнең һәм барлык катнашкан командаларның исемлеген газетабызның киләсе саныннан укый алачаксыз.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    • https://youtu.be/L4fnsvUbr8s
    Реклама

    Нравится
    Поделиться:
    Реклама
    Комментарии (0)
    Осталось символов: