Аннан пешерелгән ипинең сәламәтлекне ныгыту, иммунитетны күтәрү, кайбер авыруларны кисәтү өчен файдасы зур булачак.
Татар авыл хуҗалыгы фәнни-тикшеренү институты селекциясендәге шәмәхә орлыклы Надира сортлы бодай дәүләт сынавын уза. Әлеге сортны Арча районында үстерә башлаячаклар. Бу хакта «Татар-информ» агентлыгына Татар авыл хуҗалыгы фәнни-тикшеренү институтының әйдәп баручы фәнни хезмәткәре Нурания Василова хәбәр итте.
«Быел без беренче тапкыр Татарстанның сорт участокларында шундый бодайны күрәчәкбез. Килешү бунча орлыкның берникадәр өлешен Арча районының бер хуҗалыгына бирдек», - диде ул.
Василова сүзләренчә, яңа сорт бодай серкәләндерү юлы белән алынган. Аннан пешерелгән ипинең сәламәтлекне ныгыту, иммунитетны күтәрү, кайбер авыруларны кисәтү өчен файдасы зур булачак.
Татар-информ
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев