Арчада бер ир кеше Казансу елгасында батып үлгән

Үткән шимбәдә, 26 июньдә, Арчада Казансу елгасында күпер янында бер яшь ир батып үлә. Рәсми булмаган мәгълуматларга караганда, Казанка елгасына аяк чылатырга кергән 10 яшьләр тирәсендәге малай суга төшеп китә, баланы коткарырга әтисе суга ташлана. Нәтиҗәдә, бала исән-сау кала. Ә әти кеше суда харап була. Хәле беткән, көчле агымга эләккән, диләр. Чыгышы белән Кукмара районыннан. Гаиләсе белән Арчада яшәгәннәр. 

Гаиләсенең тирән кайгысын уртаклашабыз.

Сулыклар янында сак булыгыз! Башка хәвеф--хәтәрләр булмасын!

Бу вакыйгага шаһит булучылар яки бу турыда белүчеләр булса, безнең белән элемтәгә чыгуыгызны сорыйбыз. Телефон: 3-11-58. 89179076971.