Кыз бала бүген, 2 гыйнварда, иртәнге 5 сәгатьтә тәүге тапкыр аваз салды.
2021 елда Арчада беренче сабый булып кыз бала туды, дип хәбәр итә Арча гражданлык хәлләрен теркәү бүлеге Instagram битләрендә. Сабый 2 гыйнвар иртәсендә, 5 сәгатьтә Арча район хастаханәсенең бала тудыру бүлегендә туган. Ул Айнур һәм Алисә Яковлевларның икенче баласы.
Яковлевларны чын күңелдән әлеге сөенечле вакыйга белән котлыйбыз. Бәхетле, тәүфыйклы бала булып, әти-әни тигезлегендә үссен сабый!
Хәзер Арча һәм Арча районы яңалыкларын безнең Telegram-каналдан да белә аласыз
Иң мөһим һәм кызыклы язмаларны Татмедиа Telegram-каналында укыгыз
