Арск-Информ
  • Рус Тат
  • Бала кайнар суга пешкән

    Тикшерү идарәсе җинаять эше ачкан.

    Приморье өлкәсендәге Сибирцево авылында 4 августта бер бала кайнар суга пешә. Аны әнисе үзе дәвалап маташа, табибларга соң гына мөрәҗәгать итә. Нәтиҗәдә, баланы коткара алмаганнар. Фаҗига булган көнне 27 яшьлек әни кеше өй эшләре белән шөгыльләнә. Аның 9 айлык баласы да шунда була. Ул ходункида басып тора, әнисенең эшләгәнен күзәтә.   Бер мизгелдә әни кеше башка бүлмәгә чыгып китә, анда нидер эшли. Караучысыз калган сабый якында торган тумбочка өстендәге чәйнек шнурын тарткан. Кайнар су салынган чәйнек бала өстенә төшкән, сабый икенче дәрәҗәдә пешкән, аның тәненең 20 проценты җәрәхәтләнгән.   Яшь әни бу хәлне күрә торып та табибларга мөрәҗәгать итмәгән. Ул баласын үзе дәвалап маташкан. Ике тәүлек узгач кына, 6 августта төнлә белән, хатын ашыгыч ярдәмгә шалтыраткан. Ләкин бу вакытта бала үлгән була инде.   Приморье өлкәсе буенча Тикшерү идарәсе җинаять эше ачкан.

    Реклама

    Тулырак: https://matbugat.ru/news/?id=30673

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: