Реклама
Арча яңалыклары
Балалар бакчасы мөдире янап акча алуда шикләнелә
Прокуратура Яр Чаллыдагы балалар бакчасы мөдиренең фотографтан балаларны фото һәм видеога төшергән өчен хезмәт хакының 20%ын тартып алуы турындагы мәгълүматны тикшерә башлады, дип хәбәр итте Татарстан прокурорының өлкән ярдәмчесе Руслан Галиев.
Элегрәк социаль челтәрләрдә фотографның балалар бакчасы директоры белән язышкан тексты пәйда булды. Биредә: "Бакчада эшләгәндә, бөтен мәсьәләләрне мөдир белән хәл итәләр", дип әйтелә һәм шунда ук фотографка тәкъдим ителә: "Процентны кертегез".
"Журналистлар мәгълүматларына караганда, Яр Чаллыда балалар бакчасы мөдире фотографтан аның хезмәт хакының 20% ын таләп иткән. Аның белән язышкан пост социаль челтәрләрдә барлыкка килгән. Балалар бакчасы номерын ир-ат яшергән. Чаллы прокуратурасы әлеге мәгълүматны тикшерүне оештырды", - диде Галиев.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев