Арск-Информ
  • Рус Тат
  • Бердәм дәүләт имтиханы 19 июньнән соң үткәрелергә мөмкин

    Мәгариф өлкәсендә күзәтчелек буенча федераль хезмәт бердәм дәүләт имтиханын тапшыру тәртибен аңлатты.

     

    Бердәм дәүләт имтиханын 19 июньнән соң яисә аннан соңрак вакытта үткәрергә мөмкиннәр. Бу хакта Рособрнадзор матбугат хезмәте хәбәр итә.

    «Имтихан үткәрү көннәре буенча ахыргы карар эпидемиология вазгыяте үсешен исәпкә алып кабул ителәчәк. БДИ ил буенча бердәм расписание нигезендә узачак. Барлык чыгарылыш сыйныф укучыларының да югары уку йортына керү өчен кирәкле имтиханнарны тапшыру мөмкинлеге булачак», — диелә хәбәрдә.

    Реклама

    Ведомствода быел БДИны югары уку йортларына укырга керергә теләгән чыгарылыш сыйныф укучылары гына тапшырачак, дип билгеләп үттеләр. Моннан тыш, төп дәүләт имтиханы үткәрелмәячәк. Аттестатларны 9 һәм 11 нче сыйныфны тәмамлаучыларның барысы да ел нәтиҗәләре нигезендә алачак.

    Имтихан үткәрү пунктларына кергәндә барлык оештыручылар һәм катнашучыларның температурасын үлчиләр, аудиторияләр алдан дезинфекцияләнәчәк. Чыгарылыш сыйныф укучыларын утырту 1,5 метрдан да ким булмаган дистанцияне исәпкә алып оештырылачак. Рус теле буенча иң күп кеше катнашучы БДИны ике көнгә бүлү планлаштырыла.

    Подробнее: https://tatar-inform.tatar/news/science/14-05-2020/berd-m-d-l-t-imtihany-19-iyunn-n-so-tk-relerg-m-mkin-5742805

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: