Дүрт арчалы транспорт чаралары белән идарә итү хокукыннан мәхрүм ителде

18 майда 7 сәгать 55 минутта Арча шәһәренең Комсомол урамында ЮХИДИ инспекторлары исерек хәлдәге Илнур Габделхаков идарә иткән “Киа Рио” автомобилен туктаталар.

Ул махсус прибор ярдәмендә медицина тикшерүе үтүдән һәм медицина учреждениесенә барудан баш тарта. Аңа карата административ беркетмә төзелә. 2022 елның 14 июнендә  җәмәгать судьясы карары белән 30 мең сум штраф салына, 1 ел 6 айга транспорт чаралары белән идарә итү хокукыннан мәхрүм ителә.

28 майда 1 сәгать 45 минутта Казан–Малмыж юлында ЮХИДИ инспекторлары “ГАЗ–3110” автомобилен туктаталар. Аның белән идарә иткән Владимир Маркелов исерек хәлдә була. Махсус прибор белән медицина тикшерүе үтүдән, медицина учреждениесенә барудан баш тарта. Аңа карата административ беркетмә төзелә, 2022 елның 14 июнендә җәмәгать судьясы карары белән 30 мең сум штраф салына, 1 ел 6 айга транспорт чаралары белән идарә итү хокукыннан мәхрүм ителә.

10 майда 4 сәгать 32 минутта Казан–Малмыж юлында ЮХИДИ инспекторлары “ВАЗ–2113” автомобилен туктаталар, аның белән идарә итүче Рамил Гыйльмуллин исерек хәлдә була. Ул махсус прибор ярдәмендә медицина тикшерүе үтүдән һәм медицина учреждениесенә барудан баш тарта. Аңа карата административ беркетмә төзелә, җәмәгать судьясының 2022 елның 14 июнендәге карары белән 30 мең сум штраф салына, 1 ел 6 айга транспорт чаралары белән идарә итү хокукыннан мәхрүм ителә.

26 майда ЮХИДИ хезмәткәрләре 22 сәгатьтә Арча шәһәренең М.Горький урамында “ВАЗ–21121” автомобилен туктаталар. Аның белән идарә иткән Марсель Хәйретдинов исерек хәлдә була. “Юпитер” приборы 0,463 мг/л күрсәтә. Административ беркетмә төзелә,  җәмәгать судьясының 2022 елның 14 июнендәге карары белән 30 мең сум штраф салына, 1 ел 6 айга транспорт чаралары белән идарә итү хокукыннан мәхрүм ителә.