Арск-Информ
  • Рус Тат
  • Ел башыннан Татарстанда юл-транспорт һәлакәтендә узган ел эчендә һәлак булган кадәр диярлек балалар һәлак булган

    Быел республикада һәр сигезенче юл-транспорт һәлакәте балалар катнашында булган. Бу хакта республика Дәүләт автоинспекциясендә хәбәр иттеләр.

    4 ай эчендә балалар катнашында 124 авария булган, аларда 6 бала үлгән, 128 бала төрле тән җәрәхәтләре алган. 7 майда Әгерҗе районында булган юл-транспорт һәлакәтендә 3 һәм 8 яшьлек тагын ике бала үлгән. Шулай итеп, быел Татарстанда аварияләр нәтиҗәсендә һәлак булган балалар саны узган елгы дәрәҗәне куып җиткән: быелның 10 маена 8 бала булса, узган ел  дәверендә 9 бала һәлак булган.

    "Барлык һәлак булган балалар машинада пассажир булган, асылда алар ситуациянең тоткыннары булып чыга. Балаларны йөртү мәсьәләсе аеруча актуаль», – дип хәбәр итте агентлыкка Татарстан Дәүләт автоинспекциясенең юл зәрәкәте куркынычсызлыгы пропаганда бүлеге җитәкчесе Рамил Әхтәмҗанов.

    Зур суммада штрафларга һәм балаларны йөрткәндә хокук бозуларны профилактикалау буенча ЮХИДИ эшчәнлегенә карамастан, кайбер ата-аналар элеккечә балаларны махсус җайланмалардан башка йөртәләр.

    Ел башыннан бирле балалар йөртү кагыйдәләрен бозып 6 юл-транспорт һәлакәте теркәлгән, аларда ике бала үлгән һәм биш бала зыян күргән. Мәсәлән, гыйнварда Тукай районында җиңел машина, каршы як полосага чыгып, каршыга килүче машинага бәрелә. Һәлакәт нәтиҗәсендә 4 айлык бала һәлак була, юл-транспорт һәлакәте вакытында ул әнисенең кулында булган.

    «Өлкәннәр тарафыннан юл хәрәкәте кагыйдәләрен бозу, тизлек режимын арттыру, каршы як хәрәкәт өчен билгеләнгән полосага чыгу, хезмәт һәм ял режимын бозу үз ролен уйнады һәм фаҗигале нәтиҗәләргә китерде», - дип өстәде Рамил Әхтәмҗанов.

    Моннан тыш, балалар автокреслоларнда йөрткән, әмма тиешле рәвештә беркетелмәгән очраклар да очрый. Мәсәлән, Саба районында каршы як полосада ике машина бәрелешүе нәтиҗәсендә әтисе белән 6 айлык малай һәлак була. Бала автокреслода, ләкин беркетелмәгән була.

    Республика Дәүләт автоинспекциясе пассажир балаларның сәламәтлеге тулысынча машина йөртүчеләргә бәйле булуын искәртә.

    Балалар катнашында аварияләрне киметү өчен автомобильләрдә балаларны йөртүгә таләпләрне көчәйтү турында таләпләр эшләнә. Татарстан Дәүләт автоинспекциясе Министрлар Кабинетына һәм Татарстан Республикасы Дәүләт Советына закон чыгару инициативаларын юллады, алар буенча баланы 9 яшькә кадәрге балаларны мәҗбүри рәвештә автокреслода йөртергә кирәк, ә автомобильдә баланың машинада булуын искәртә торган махсус билге булырга тиеш.

    Моннан тыш, машинада балалар булганда тизлек 60 км/сәгатьтән артмаска тиеш, ә машинада балигъ булмаган бала булу авария очрагында авырайткыч шарт булачак.

    17 майдан 23 майга кадәр БМО инициативасы белән алтынчы Глобаль юл хәрәкәте куркынычсызлыгы атналыгы узачак, аның төп темасы – транспорт һәм җәяүлеләр агымнары кисешү урыннарында тизлек режимын киметү.

    Реклама

    "Атналык кысаларында юл йөрү кагыйдәләрен тупас бозуларны булдырмауга юнәлтелгән чаралар уздырылачак, автомәктәпләр курсантлары, балалар төркемнәрен оешкан йөртү белән шөгыльләнүче машина йөртүчеләр белән очрашулар, социаль реклама роликларын трансляцияләү оештырылачак", - дип ассызыклады Рамил Әхтәмҗанов.

    Шулай ук Татарстанда Иминлек атналыгы вакытында “Бала – төп пассажир” дигән профилактик чара уза, ул балаларны йөртү кагыйдәләрен бозуларны профилактикалау максатында үткәрелә.

    Балаларның үз саксызлыгы аркасында авария килеп чыгу актуаль булып кала бирә. Быел 23 шундый юл-транспорт һәлакәте булган, 1 бала һәлак булган. Узган елның шушы чоры белән чагыштырганда мондый аварияләр саны ике тапкырдан күбрәккә арткан.

    Апрельдә Тукай районында ике яшүсмер мопедта каршы як полосадан баручы җиңел машинага килеп бәрелде. Егетләрнең берсе урында һәлак булды, икенчесен авыр җәрәхәтләр белән хастаханәгә китерелде.

    Көннәр җылыну белән балалар велосипедта йөри башлый. Ел башыннан республикада велосипедчы-балалар катнашында 7 юл-транспорт һәлакәте теркәлгән. Беренче чиратта бу аварияләр юл йөрү кагыйдәләрен начар белү аркасында килеп чыга.

    Республика Дәүләт автоинспекциясе балаларны юл йөрү кагыйдәләренә өйрәтү кирәклеген билгеләп үтә. Монда яшь юл хәрәкәте инспекторлары отрядлары аерым роль уйный. Бу отрядларда катнашу балага юлда үз-үзеңне тоту кагыйдәләрен яхшырак өйрәнергә ярдәм итәчәк.

    "Шул ук вакытта яшь юл хәрәкәте инспектрлары уздыра торган юлларда куркынычсызлык кагыйдәләрен пропагандалау – бу юл хәрәкәте кагыйдәләрен бозучылар белән профилактик эшнең нәтиҗәле коралы", – дип өстәде Рамил Әхтәмҗанов.

    ЮХИДИ отрядлар җитәкчеләренә оештыру-методик ярдәм һәм матди кызыксындыру чаралары күрсәтә.

    Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: