Арск-Информ
  • Рус Тат
  • Ата--ана, әби--бабай, гаилә гаепле

    Ул махсус редакциягә керде.

    --Без чын татар гаиләсе, -- дип сөйләде. -- Бервакытта да гаиләдә урыс сүзе кушып сөйләшмәдек. Малай белән кыз да рәхәтләнеп татарча сөйләшеп үстеләр. Хәзер әллә нишләдек. Оныклар юньләп татарча белми. Шулай ике онык белән татлы куертылган сөт (сгущенка), коймак белән чәй эчеп утырабыз. Кызым мин әйтәм, сгущенканы нәрсәдән ясыйлар?

    Реклама

    Татарча итеп сыердан ди бу. Ничек инде сыердан, дим. Ну, сөтеннән инде, ди бу. Тагын нәрсәдән, дип сорыйм. Сахардан, ди бу. Ә сахар татарча ничек була, дип сорыйм. Уйлап--уйлап торды да, белмим, инглизча беләм -- сукар, ди бу. Әллә нишләп киттем. Сахар -- шикәр була, дип кат--кат әйттем. Мин моңа бик хурландым. Үз ана телебезне белмә әле! Ата--ана, әби--бабай, гаилә гаепле моңа. Ник гаиләдә чиста итеп татарча сөйләшмибез? Без үзебез дә элекке кебек татарча сөйләшмибез. Җөмләнең яртысы татарча, яртысы урысча. Бу бит бик зур проблема. Телебез бетүгә бара түгелме соң?! Мин моңа еладым хәтта.

    Редакциягә кергән ханым безгә борчуын сөйләп чыгып китте. Бик урынлы борчыла. 

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: