Фигуралы яшелчәләр

Ультрашәмәхә нурлары үткәрүче үтәкүренмәле пластиктан сүтелә торган тартмачык эшләп, теннис тубы зурлыгындагы кечкенә карбызны шуның эченә урнаштырганнар. Үсә-үсә ул үзенә кирәкле форманы алган. Ә аның бәясе гадәтидән ун тапкыр күтәрелгән! Эшлекле һәм уңган японнар, моның белән генә чикләнмичә, тәҗрибәне дәвам иткән, башка төр яшелчә һәм җиләк-җимешне дә шундый ысул белән үстерә башлаганнар.
Хәзер төрле формадагы борыч, кыяр, помидорларны Япониядә генә түгел, Берләшкән Гарәп Әмирлекләрендә дә күрергә мөмкин.
Ә менә Кытай фермеры Гао Синьзян бәхет китерә торган грушалар үстерә башлаган. Алар Будда формасында икән. Шунда яшәүчеләр һәм туристлар аларны бик теләп сатып ала, ә фермерның кереме күзгә күренеп арткан.
Фигуралы яшелчә-җимеш үстерү белән башлыча һәвәскәр бакчачылар шөгыльләнә. Бу аларга югары табыш китерә. Ә сатып алучылар гаҗәеп яшелчәләргә соклануын яшерми.

https://kiziltan.rbsmi.ru/articles/raznoe/figuraly-yashelchlr/