"Гаилә, мәхәббәт һәм тугрылык" паркында агач утырттылар

Узган ел Россия Федерациясендә Бөек Ватан сугышы елларында Ватан өчен гомерләрен биргән гражданнар истәлеген мәңгеләштерүгә багышлап башланган «Хәтер бакчасы» халыкара акциясе дәвам итә. Берничә ел барачак акция кысаларында Бөек Ватан сугышында һәлак булган 27 миллион кешенең һәркайсы хөрмәтенә агач утырту күздә тотыла. Утыртылган һәр агач – Ватан өчен фида кылынган гомер символы, мондый корбаннар аша яулап алган тынычлык өчен рәхмәт билгесе...

Истәлекле әлеге чарада Арча шәһәре башкарма комитеты җитәкчесе Рөстәм Касыймов, хөрмәтле ветераннар, район Мөслимәләр берлеге җитәкчесе Рая Фатхуллина, педагогика көллияте студентлары һәм Мәдәният идарәсе хезмәткәрләре катнашты. Агач утыртуга һәркайсы үз өлешен кертте.