Арск-Информ
  • Рус Тат
  • Гигиена һәм эпидемиология үзәге талпан энцефалитын кисәтү буенча кайнар линия үткәрә

    Шулай ук талпан кисәтү буенча кагыйдәләр турында искәртә.

    17 майдан 29 майга кадәр Арча һәм Биектау районнарында “Татарстан Республикасында гигиена һәм эпидемиология үзәге” талпан энцефалитын кисәтү буенча кайнар линиия үткәрә. Сораулар белән 8(84366)3-18-30 телефонына шалтыратырга мөмкин.

    Талпан энцефалитын кисәтү

    КАГЫЙДӘЛӘРЕ

    Яз көне дөнья яшеллеккә күмелү белән йоклап яткан талпаннар, иксодлылар гаиләсенә керүче кан суыручы башка бөҗәкләр дә уяна. Алар талпан энцефалиты һәм талпан боррелиозы кебек йогышлы авырулар тарата. Апрельдән октябрьгә кадәр талпаннар активлыгы күзәтелә. Аларның иң актив вакыты май, июнь айларына туры килә. Талпаннар кешегә урманда гына түгел, шәһәр паркларында, бакчаларда да һөҗүм итә. Талпан транспортта утырган гөмбәче яки бакчачы белән бергә күчәргә, шулай ук йорт хайваннары йоны яки кыр чәчәкләре бәйләме белән килергә мөмкин.

    Реклама

    Талпан еш очрый торган урыннар:

    • урман юллары кырыйлары;
    • шәһәр читендәге дача кишәрлекләрендә үләннәр һәм куаклыклар;
    • куе урманнар, ауган агачларлар;
    • шәһәр паркларында һәм скверларда үләннәр һәм куаклар;

    Талпан авырттырмыйча тешли, шуңа күрә аны еш кына, канны суырып, зурайгач кына сизәләр.

    Талпан тешләү нәтиҗәләре кызарыну һәм кызарудан башлап, талпан энцефалитына, параличлар, аңны югалту, хәтта үлем очракларына китерергә мөмкин.

    Талпан очраса, нишләргә?

    • Талпанны сытарга маташмагыз. Бу куркыныч! Әгәр кулыгызда тырналган, киселгән урыннар булса, вирус канга эләгергә мөмкин;
    • хасатаханә ерак булса, тизрәк, ләкин сак кына талпанны пинцет яки чиста марля белән каплаган бармаклар белән боргалап чыгарыгыз;
    • Алынган талпанны яндырырга яисә кайнар су сибәргә кирәк;
    • тешләү урынын спирт, одеколон яки йод белән эшкәртегез;
    • Кайткач, табибка мөрәҗәгать итегез. Температураның кинәт күтәрелүен, баш авыртуы һәм авыруның башка билгеләре барлыкка килүен көтмәгез.

    Талпаннан ничек сакланырга?

    • Урманга ачык төстәге кием киеп, башыгызны, муеныгызны каплап барыгыз;
    • аяк табанын тулысынча каплый торган аяк киеме киегез;
    • киемнәрне һәм тәннең ачык өлешләрен талпанга каршы препаратлар белән эшкәртегез;
    • өйгә кайткач, киемнәрегезне һәм бөтен гәүдәгезне җентекләп тикшерегез.

    Талпан энцефалитыннан саклануның иң ышанычлы ысулы – вакцинация!

     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: