Арск-Информ
  • Рус Тат
  • Җиңү паркында Президент катнашында совет солдатына һәйкәл ачылды

    "Бу һәйкәл фронтларда көрәшкән барлык татарстанлыларга багышлана ",- диде президентыбыз.

    Бүген, 9 май иртәсендә, Җиңү паркында совет сугышчысына һәйкәл ачылды. 

    "Хөрмәтле сугыш ветераннарына, тыл хезмәтчәннәренә! Совет Армиясенең немец-фашистларын Бөек Җиңүнең 75 еллыгы белән тәбриклим. Без бүген совет солдатына һәйкәл ачабыз", - дип башлады чыгышын Рөстәм Миңнеханов.

    Гази Заһитов - яңа һәйкәлнең образы. Ул  - 1945 елның 30 апрелендә Рейхстаг түбәсенә Кызыл Байракны кадаган татар улы. 

    Реклама

    Бәйрәм белән онлайн форматта котлаучы Советлар Союзы герое Борис Кузнецов үзенең 16 яшьтән немецларга каршы сугышканын әйтте. Җиңү бәхетенең озак елларга җитүен теләп калды ул.

    Тантанада Совет сугышчылары истәлегенә бер минут тынлык игълан ителде. Рәсми затлар яңа 9,5 метрлы һәйкәлгә чәчәкләр салдылар. Әлеге һәйкәлне Мәскәүдән Никита Мазаев җитәкчелегендәге скульпторлар командасы ясаган.

    Тантана ахырында "День Победы" җыры башкарылды.

    Биредә шулай ук Татарстанның Дәүләт киңәшчесе Минтимер Шәймиев, Татарстанның Дәүләт Советы Рәисе Фәрит Мөхәммәтшин, ТР Премьер-министры Алексей Песошин, Казан мэры Илсур Метшин катнашты.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: