Яхшы волейболчылар республика ярышына барачак

Бу ярышлар ноябрь аенда узачак республика беренчелегенә иң көчле волейболчыларны сайлап алу туры буларак үтте. 6 малайлар hәм 4 кызлар командасы ярышты. Ярышлар каты барды. Һәркемнең җиңәсе килде. Нәтиҗәләр түбәндәгечә булды.

Кызлар арасында

1. Кәче мәктәбе командасы (тренеры Нияз Гатауллин)

2. Урта Курса мәктәбе командасы (тренеры Азат Баһаветдинов)

3. Яңа Кенәр мәктәбе командасы (тренеры Зөлфәт Хәйруллин)

Малайлар арасында

1.Иске Чүриле мәктәбе командасы (тренеры Рәшит Сафин)

2. Арчаның В.Ф.Ежков исемендәге 1нче мәктәп, Арчаның 6нчы мәктәбе, Кәче мәктәбе укучыларыннан торган җыелма команда (тренеры Нияз Гатауллин)

3. Арчаның 5нче гимназиясе командасы (тренеры Азат Баһаветдинов)

“Арча” спорт комплексы методисты Фәгыйлә Борһанова: “Командалардан оста уйнаучылар сайлап алынып, җыелма команда булып республика ярышына барачак”, – диде.

Волейболчыларны җиңүләре белән котлыйбыз һәм алдагы ярышларда уңышлар телибез!