Гомумән җәй айларында яңгырлар сирәк булыр дигән фараз бар. Августның 14-15ләрендә көчле кырау да булырга мөмкин икән әле. Аныңча бәрәңге тизрәк өлгерергә тиеш, ди Рәис абый.
Май бәйрәмнәре дә эссе булыр дип өметләнеп булмый. Айның беренче ун көнендә яңгырлар явачак. Икенче ун көне коры булып, һава температурасы 20-25 градуска җитәчәк. Соңгы ун көнендә тагын яңгырлар һәм салкынча көннәр көтелә. 
Мин шалтыратканда, Рәис абый печән җирләрен тырмалатып йөри иде. Иртәгә бәрәңге утыртабыз, диде ул. Узган көздә берничә бәрәңгене җиргә күмеп калдырган булган. Билгеле бер сәбәпләр белән бер түтәл суган да калган. Октябрь ахырында сарымсак утырткач та, икенче көнне бик каты туңдырган. Рәис абый, кыш та суык булгач, барысы да өшегәндер инде дип уйлаган. Ни хикмәт, кышны барысы да исән-сау чыккан. 
– Үзем дә гаҗәпләнеп йөрим, бәрәңгене казып алган идем, борынлаганннар да инде. Суганнар туфрак өстендә ятып та өшемәгән. Бигрәк сәер ел бу. Унҗиде ел буе һава торышын күзәтеп, теркәп барам. Бу ел берсенә дә ошамаган. Күңелгә ятып бетми әле, – дип көрсенде ул.

Тулырак: http://shahrikazan.ru/news/avyil/brgene-kem-irt-chch-shul-otachak