Арск-Информ
  • Рус Тат
  • Китап укыйсыңмы?

    Безнең хезмәттәшебез китапханәдән шуның кадәр китап алып менгәч, исем китте.

    Бергәләп санадык. Барысы 15 китап!

    Үзизоляциягә кергәндә китапханә эшләмәячәк дигәч, хезмәттәшебез китап җыйды.

    -- Бу күп түгел әле! -- дип тагын бер гаҗәпләндерде. Бездә тагын бар әле китап күп укучылар.

    -- Эшләре юк, -- дип әйтер кайберәүләр.

    Мин бу фикер белән килешмим. Ә телефонда күпме вакыт үткәрәләр! Бәдрәфкә кергәндә дә кулда телефон.

    Реклама

    Аннан китап укырга яраткан кеше җай таба ул. Аның эше дә эшләнгән, ашарына да пешкән була.

    Безнең әни (Саттарова Әлфия, Айван) китапны бик күп укый иде. Алдынгы бозау караучы булып эшләде. Әле беркөнне Штерәдән Мөршидә апа Җамалиева белән дә шул турыда сөйләштек. Ул заманында Айванда китапханәче булып эшләде.

    -- Әлфия апа китап укырга ярата иде, - диде.

    Китап укыган кешенең күңеле бай була, диләр. Һәм алар менә дигән әңгәмәдәш тә булалар. Күп беләләр.

    Ә сез китап укыйсызмы?

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: