Арск-Информ
  • Рус Тат
  • Коронавирус инфекциясенең 23 яңа очрагы теркәлгән

    Узган тәүлектә Татарстанда коронавирусның 23 яңа очрагы ачыкланган

    Узган тәүлектә Татарстанда коронавирус инфекциясенең 23 яңа очрагы теркәлгән. Аларның берсе — читтән килгән, калганнары контакт юлы белән йоккан. Бу хакта Татарстан Сәламәтлек саклау министрлыгының матбугат хезмәте хәбәр итә.

    «Ике кеше хастаханәдә, 21 кеше өйдә дәвалана», — диделәр матбугат хезмәтендә.

    Авыручыларның иң күбе 18-30 яшькә кадәргеләр арасында 1 кеше, 30-50 яшьлекләр арасында — 11 кеше, 50-60 яшьлекләр 5 кеше һәм 60-70 яшьлекләр 5 кеше, 70-80 яшьлекләр арасында 1 кеше.

    Реклама

    Казанда — 11, Саба районында — 3, Буа районында — 2 очрак ачыкланган. Әлмәт, Балтач, Биектау, Яшел Үзән, Кайбыч, Түбән Кама һәм Теләче районнарында берешәр очрак табылган.

    14 сентябрьгә булган мәгълүматларга караганда, республикада коронавирус инфекциясенең 6858 очрагы ачыкланган, алар арасыннан 5651 кеше дәваланып терелгән, шул исәптән 15 кеше узган тәүлектә терелгән. 

    Татар-информ: https://tatar-inform.tatar/news/health/14-09-2020/uzgan-t-lekt-tatarstanda-koronavirusny-22-ya-a-ochragy-achyklangan-5771290

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: