Минем өстәлем шундый

-- Ул язмады больница юлын таптамагыз, җәяү йөрегез, яшелчә, җиләк--җимеш ашагыз, дип киңәш иткән бер хатын, -- дип сөйләде безгә шалтыратучы бер ир--ат. -- Бик дөрес әйткән. Мин үзем дә ашауны тамырдан үзгәрттем. Хәзер минем өстәлдә шушы ризыклар (рәсемдә) хөкем сөрә. Алма согын кышка туңдыргычка катырып куям. кара виноград бик файдалы. Быел кибеттә кыш буе булды ул. Әле дә бар. бетәр дип аны да көзен иттарткычтан чыгарып катырып куйдым. Бик тәмле. Көн дә үзебездә үскән яшелчәләрне салып, берничә стакан су салып, духовкада балчык чүлмәктә пешереп алам. Җимеш, чикләвектән, суган, сарымсактан, лимоннан өзелмим. Ит, ашлар да ашыйм. Хатын нәрсә пешерә шуны ашыйм. Шулпага күп итеп укроп салам. Иртән ботка, пешкән яшелчә ашыйм. Җәяү йөрим. Кан басымымны көйләдем. Сәламәтлегем күпкә яхшырды. Авырта башласаң, һичшиксез тормыш рәвешеңне үзгәртергә кирәк. Дару эчеп кенә сәламәтләнеп булмый.