Наласа мәктәбендә шахмат түгәрәге дә ачыла

Наласа авыл җирлеге башлыгы, район Советы депутаты Илфира Шакирова һәм хезмәт ветераны, шахмат буенча 2016 елгы район чемпионы Габделнәфик Фәттахов укучыларга шахмат белән шөгыльләнү өчен шундый мөмкинлек бүләк иттеләр. 

Районның иң оста шахматчыларының берсе булган Мидехәт ага Гайнетдиновны да хөрмәтләп искә алдылар бүген. Аның үз куллары белән ясаган магнитлы шахмат тактасы да балаларга бу уен серләренә төшенергә ярдәм итәчәк.

Мәктәп директоны Булат Гыйззәтуллин белдергәнчә , тиздән биредә шахмат түгәрәге дә эшли башлаячак.