Редакциядә бәхәс купты

Бүлмәдә без өчәү. Баш мөхәррир Исрафил Рәхмәтуллович, авыл тормышы бүлеге мөхәррире Ильяс Фәттахов һәм мин -- хатлар бүлеге мөхәррире. 

Баш мөхәррир болай ди:

-- 20 елдан балалар мәктәптә түгел, ә өйдә онлайн аша укый башлаячаклар. Мәктәпләр бетәчәк.

-- Андый хәл булмаячак, -- дип каршы чыкты Ильяс абый.

-- Мәктәп ул белем алу йорты гына түгел, ул балаларның бер--берсе белән аралашу урыны да, -- дидем мин. -- Әгәр дә, чыннан да, онлайн укуга күчәләр икән, гарипләр үсәчәк. Балага аралашу кирәк.

-- Онлайн аша аралашачаклар, -- дип кыздырды безне баш мөхәррир.

Хөрмәтле әти--әниләр, сайтны укучылар, сез ничек уйлыйсыз, мәктәпләрнең бетүен, балаларның өйдән торып укуын күз алдына китерәсезме сез?

Фикерләрегезне язсагыз иде.

Бүгенге көндә өйдән торып укулар бармы. Булса, безгә хәбәр итсәгез иде. Языгыз һәм шалтырата аласыз.

Телефон 3-11-58.