Татарстанда 4 июньгә СОVID-19 йоктыруның 31 яңа очрагы теркәлгән

Оператив штаб мәгълүматлары буенча, ачыкланган яңа очракларның берсе - читтән кайткан, калганнары бу авыруны элемтә аша йоктырган. 17 кеше хастаханәгә озатылган, 14 кеше өйдә дәвалана.

Казанда 15 яңа очрак теркәлгән, Чаллыда - җиде, биштә - Бөгелмә районында, икесе - Яшел Үзәндә, берсе - Актанышта һәм Тукай районнарында.
Татарстанда барлыгы 385 106 кеше (тәүлеккә үсеш - 7 058) прививка кадаткан, шуларның 270 193ы прививканың икенче партиясен алган. Бер атна эчендә 37 068 кеше прививка ясаткан.

Россиядә соңгы тәүлек эчендә коронавирус йоктыруның 8947 яңа очрагын ачыклаганнар. Авыручыларның гомуми саны 5,1 млн. 4,7 млн кеше сәламәтләнгән, 123 меңнән артык кеше үлгән.

 http://shahrikazan.ru/news/kyiskacha-ya%D2%A3alyiklar/tatarstanda-4-iyung-sovid-19-yoktyruny-31-yaa-ochragy-terklgn