Арск-Информ
  • Рус Тат
  • Татарстанның өч районында бал кортлары күпләп үлү очраклары теркәлгән

    Кортлар иң күп үлгән районнар – Аксубай, Арча, Әлмәт.

    Татарстанның Аксубай, Арча, Әлмәт районнарында күпләп бал кортлары үлү очрагы теркәлгән.

    Әлмәтнең Кузай авылында җиде хуҗалык, Арчаның Шәке авылында бер хуҗалык зыян күргән. Шулай ук Аксубай районында да кортлар күпләп үлгән дип хәбәр итте «Татар-информ»га ТР Авыл хуҗалыгы һәм азык-төлек министрлыгының умартачылык һәм аквакультура секторы белгече Алмаз Гамиров.

    «Ничә корт үлгәнен төгәл әйтеп булмый, чөнки күпчелек очракта агудан очыш кортлары гына зыян күрә. Умарта кортының көче, әлбәттә, кими, ләкин алар тулысынча үлеп бетми», – дип әйтте ул.

    Реклама

    Алмаз Гамиров белдерүенчә, кортлар үлү очраклары булу белән җирле үзидарә органннарына, ветеринар хезмәткә, полиция, Россельхознадзор һәм Роспотребнадзорга хәбәр итәргә кирәк. Умартачылар судка да мөрәҗәгать итә ала.

    «Кортларның агуланы очраклары ачыкланса, умартачылар судка мөрәҗәгать итеп, үзләренең хокукларын яклый ала. Суд карары буенча алар хуҗалыклардан китергән зыян өчен компенсация алырга мөмкин. Судка мөрәҗәгать итү өчен умарталыкның паспорты булырга тиеш», – дип сөйләде Алмаз Гамиров.

    Чыганак: https://tatar-inform.tatar/news/tatarstannyn-oc-raionynda-bal-kortlary-kuplap-ulu-ocraklary-terkalgan-5857497

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: