«Татмедиа»да узган акциядә җиңүчеләр арасында арчалар да бар

Быелның икенче яртыеллыгына газета-журналларга язылучылар арасында акция игълан ителгән иде. Акциядә катнашыр өчен, медиахолдинг газета-журналларына язылу һәм квитанциясен җибәрү шарт булды. 

Акциядә кыйммәтле бүләк отучыларга үлән чапкыч, телевизор, ике тузан суырткыч, җиләк-җимеш киптерү җайланмасы, ике электрик шөреп боргыч, өч үтүк һәм өч тонометр тапшырылды. Төп бүләк скутер иде. Ул Менделеевск районына китте.

Арча районыннан өч бүләк отучы бар. Үләнчапкыч, утюг һәм тонометр безнең райондашларга насыйп булды. 

Утюгны 12 сентябрь көнне җиңүчегә редакциядә журналистыбыз Ильяс Фәттахов тапшырды. Сәрдәбаш авылыннан Гөлфия Самигуллина мондый бәйгеләрдә ел да катнашуын һәм быел беренче тапкыр бүләк отуын әйтте. "Үземне белгәннән ел да район газетасын алдырам. Бик яратып укыйм. Сез оештырган һәр уенда катнашып барам. Бу юлы бүләк чыкканын белгәч бик шатландым. Зур рәхмәт", - диде ул.