Тинчуринлылар бүләге - өлкәннәргә

Кәрим Тинчурин исемендәге дәүләт театры ел саен Җиңү көне алдыннан сугыш һәм тыл ветераннарын үзенә җыя. Быел сугыш чоры балаларын да чакырганнар. 
- Һәр районнан киләләр. Без дә Арчадан һәм станциядән 15 кешелек коллектив туплап бардык. Тере музыка белән, бик яхшы каршы алдылар. Аннан "Әни килде" спектаклен тәкьдим иттеләр, - диде район ветераннар советы җитәкчесе Рәмзия Хәмидуллина. - Арчадан ветераннарны алып бару өчен автобус бирделәр. Өлкәннәрнең бик күңеле булды.