Җәяү йөрисе була

Арча районы прокуратурасы юл хәрәкәте куркынычсызлыгы өлкәсендәге законнарның үтәлешен тикшерде.

Ачыкланганча, районда яшәүче бу кеше наркотик матдәләр куллана, наркологта исәптә тора. Табиблар комиссиясе хәзерге вакытта аңа транспорт чаралары белән идарә итәргә ярамый, дигән нәтиҗә чыгарган. Ә аның машина йөртү таныклыгы бар. Наркомания, алкоголизм, психик авырулар белән газапланучылар юл хәрәкәте куркынычсызлыгына хәтәрлек тудыралар.

 Шуңа бәйле рәвештә прокуратура судка әлеге кешенең транспорт чаралары белән идарә итү хокукын туктатуны сорап административ дәгъва белән мөрәҗәгать итте.

Әлеге таләп канәгатьләндерелде. Суд карары әлегә законлы көченә кермәгән.

Сүтәргә туры килде

Арча районы прокуратурасы урманнарны файдалану һәм янгын куркынычсызлыгы кагыйдәләрен үтәү өлешендә урманнарны саклау законнарының үтәлешен тикшерде.

Арча урманчылыгының Сурнар участок урманчылыгы территориясендә законсыз төзелгән хуҗасыз объект барлыгы ачыкланды. Әлеге территория әйләндереп алынмаган, төзекләндерелмәгән. Мондый хәл урманнарда янгын куркынычын арттыра.

Тикшерү нәтиҗәләре буенча прокуратура Арча урманчылыгы җитәкчесе адресына ачык-ланган җитешсезлекләрне бетерү турында гариза кертте. Нәтиҗәдә җаваплы кеше дисциплинар җаваплылыкка тартылды, законсыз корылма сүтелде, урманның бу өлеше канәгатьләнерлек хәлгә китерелде.

М.Гыймалтдинов,

прокурор ярдәмчесе,

2 класслы юрист