Арск-Информ
  • Рус Тат
  • Якын көннәрдә эшкә урнашсаң – пособие бирәләр

    Әңгәмәдәш – район социаль яклау бүлеге җитәкчесе вазыйфаларын башкаручы Гүзәл Минаева.

    – Гүзәл Равилевна, газета укучыларыбыз эшсез кеше, әгәр дә якын көннәрдә эшкә урнашса, дәүләт ярдәме ала икән, дип кызыксыналар. Бу турыда аңлатып үтсәгез иде.

    – Дөрестән дә, якын көннәрдә эшкә урнашучыларга дәүләт ярдәме бар. Социаль килешү нигезендә  12 айга кадәр һәр айны 10085 сум түләнәчәк.

    – Моның өчен кая мөрәҗәгать итәргә?

    – Социаль яклау бүлегенә килергә кирәк.

    – Үзең белән нинди документлар алып килергә?

    – Паспорт, хезмәт кенәгәсе, акча күчерү өчен банк реквизитлары, гаилә составы, алдагы өч айның гаилә кереме, торак мәйданы, җир турында белешмәләр алып килергә кирәк.

    Реклама

    – Бу матди ярдәмне кемнәр ала ала?

    – Бер кешегә торак мәйданы 40 кв.м.дан, ә ике торагы булса,  23 кв.м.дан артмаска һәм җир мәйданы җан башына 20 сутыйдан арт-маска тиеш. Бүген эшкә яраклы кешеләргә яшәү минимумы 10374 сум тәшкил итә, ә балаларга – 9891 сум, гаиләнең җан башына туры килгән кереме яшәү минимумыннан артып китсә һәм тиешле шартлар үтәлмәсә, пособие түләнмәячәк.

    – Кайсы көннәрне кабул итәсез?

    – Кабул итү көннәре: дүшәмбе, сишәмбе, пәнҗешәмбе көннәрендә иртәнге 8дән 12 сәгатькә кадәр, чәршәмбе 8–12гә, җомга – 8дән 16 сәгатькә кадәр. Көндезге ял вакыты: 12дән 13 сәгатькә кадәр. Телефон: 3-13-51.

    – Әңгәмә өчен рәхмәт.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: