2025 елда Зәй районында Россия Федерациясе Хөкүмәте ярдәме белән биотехнологияләрне үстерүгә юнәлдерелгән «Яшел үзән» махсус икътисади зонасы булдырылды.
Татарстан Республикасы Икътисад министрлыгы коллегиясендә хәбәр ителгәнчә, әлеге зона территориясендә инде дүрт резидент үз проектларын гамәлгә ашыра башлаган.
Бу проектларга кертеләчәк инвестицияләрнең гомуми күләме 7 миллиард сумнан артып китәчәк.
Гомумән алганда, узган ел республикадагы махсус икътисади зоналарга 22 яңа резидент килгән. Җәлеп ителгән инвестицияләр күләме 365 миллиард сумнан артык булган, 12,5 меңнән күбрәк эш урыны булдырылган.
Шулай ук министрлыкта билгеләп үтелгәнчә, резидентларга бирелгән салым һәм таможня ташламаларының һәр сумына якынча 7 сум күләмендә шәхси инвестиция туры килә.
Нет комментариев