Сәяхәтенең мөһим өлеше – төрле халыклар арасында дуслыкны ныгыту идеясен җиткерү.
Казаннан юлга чыккан сәяхәтче Никита Кузнецов 120 көннән артык вакыттан соң җәяү Алма-Атага барып җитте. Ул сәяхәтенең төп максаты булган шәһәргә килүе турында үзенең Telegram-каналында хәбәр итә.
Никита Кузнецов сүзләренчә, Алма-Атага кергәнен ул шунда ук аңламаган. Навигатор инде берникадәр вакыт шәһәрдә булуын күрсәткән, әмма юл буендагы шәһәр исемен күрсәткән элмә тактаны күрмичә калган. Шулай итеп, сәяхәтченең төп максатына ирешү мизгеле көтелгәнчә тантаналы түгел, ә гадәти юл дәвамында килеп чыккан.
Алма-Атада Никита 10 көн үткәрергә ниятли. Бу вакытта ул шәһәр белән танышырга, язылучылары белән очрашырга һәм алдагы юл өчен җылы киемнәр алырга планлаштыра. Сәяхәтенең мөһим өлеше — төрле халыклар арасында дуслыкны ныгыту идеясен җиткерү.
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев