Арск-Информ
  • Рус Тат
  • Марат Җәббаров авыл хуҗалыгында хезмәт хакы аз булган районнарны атады (Шәһри Казан, Дилбәр Гарифуллина)

    Татарстанның Авыл хуҗалыгы һәм азык-төлек министры Марат Җәббаров министрлыкның коллегия утырышында хәбәр итүенчә, агымдагы елда хезмәт хакы дәрәҗәсен уртача республика хезмәт хакыннан 80 процентка кадәр күтәрү планлаштырыла.

    - 2021 елда табышлы авыл хуҗалыгы оешмалары өлешен 93 процент дәрәҗәсендә саклап калдык. Салымнар һәм җыемнар буенча бурыч 103 млн сумга кимеде.Уртача хезмәт хакы үсешен 5 процент дәрәҗәсендә планлаштырган идек, чынлыкта 24 процентка артты. Агымдагы елда  хезмәт хакы дәрәҗәсен уртача республика хезмәт хакыннан 80 процентка кадәр күтәрү планлаштырыла.
    Яшел Үзән, Тукай, Мамадыш, Мөслим, Тәтеш, Буа районнарында хезмәт хакы уртача район дәрәҗәсеннән югарырак, беренче икесендә югары технологияле комплекслар исәбенә.
    Әгерҗе, Яңа Чишмә һәм Баулы районнарында хезмәт хакы уртача республика дәрәҗәсеннән 40 процентка түбәнрәк.
    Бер районда эшләп тә, хезмәткәрләр хезмәт хакын 1,5-2 тапкыр аерма белән ала. Бүген 15-20 мең сум хезмәт хакы белән авыл хезмәтчәннәрен тотып калып булмый, - диде ул.       
    Республиканың агросәнәгать комплексында 71 меңнән артык кеше эшли. Белгечләр белән гомуми тәэмин ителеш 91 процент. Бигрәк тә зоотехникларга, агрономнарга, ветеринария табибларына ихтыяҗ зур.
    30 яшькә кадәрге яшьләр өлеше  нибары 10 процентны тәшкил итә, ә 55 яшьтән олырак хезмәткәрләр өлеше 3 ел эчендә 4 процентка арткан.
    - Якын киләчәктә белгечләр җитмәү проблемаларын хәл итү өчен авыл хуҗалыгы предприятиеләре җитәкчеләренә кадрларны максатчан әзерләү программасына активрак керергә кирәк, - диде министр.

    Реклама

     http://shahrikazan.ru/news/avyil/marat-bbarov-avyl-khualygynda-khezmt-khaky-az-bulgan-rayonnarny-atady

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: