Арча районының яшь педагоглары Татарстан Республикасы Рәисе Рөстәм Миңнеханов җитәкчелегендә уздырылучы XIV «Наше время – Безнең заман» республикакүләм ачык телевизион эшләүче яшьләр иҗаты фестивале дипломанты булды.
Укытучылар әзерләгән вокаль-хореографик чыгыш профессиональ жюри әгъзаларының игътибарын җәлеп итте. Шулай ук коллектив Россия хореографы, режиссёр-постановщик, Татарстанның атказанган сәнгать эшлеклесе, Мәскәүдәге «Сәхнә практикасы үзәге»нең президенты Владимир Аносовтан конкурсларга әзерләнү буенча киңәшләр алды.
"Иҗади чыгышны югары дәрәҗәдә әзерләгән төркем җитәкчеләре Раушания Закировага һәм Аида Одринага рәхмәт", - дип яза үзенең MAX каналында район мәгариф идарәсе җитәкчесе Нияз Муллахмәтов.
Яшь педагогларны әлеге уңышлары белән котлыйбыз
Нет комментариев