Татарстан юлында «Лада» һәм йөк автомобиле бәрелешкән, җиңел машина шоферы үлгән

Юл-транспорт һәлакәте төнге өчләр тирәсендә республиканың Алексеевск районындагы Кыркүл авылы янында булган. Бу хакта «Татар-информ» агентлыгына аварияне күргән кешеләр хәбәр итте.

ТР буенча Эчке эшләр министрлыгының матбугат хезмәтендә искәртүләренчә, «Лада» автомобиленең йөртүчесе идарәсен югалтып каршы як полосага чыккан һәм «МАЗ» автомобиле белән бәрелешкән.

Авариядә җиңел автомобильнең йөртүчесе һәлак булган, «Лада»ның 18 яшьлек пассажиры һәм йөк автомобиле шоферы зыян күргән.

авария Тулырак: https://tatar-inform.tatar/news/incident/12-12-2021/tatarstan-yulynda-lada-m-y-k-avtomobile-b-releshk-n-i-el-mashina-shofery-lg-n-5844981