Арча районының беренче баласы Казанда туган! Малай!

Кәче авылыннан Фәнисә Галәвиева белән гел очрашып торабыз. Беренче тапкыр моннан бер ел элек Кәче авылында күп балалы Вәлиәхмәтовлар йорты янгач очраштык. Ул аларга акчалата, матди  ярдәм оештыруда булышты. Вәлиәхмәтовлар күмәк көч белән Кәче авылында яңа йорт салып чыктылар. Һәм тагын Фәнисә белән җәен очраштык. Арчаның Казансу паркындагы күлдә бер хатын-кыз суга бата язды. Без дә шунда су коена идек. Ә Фәнисә шул вакыт кызы, ире белән күл кырыена килеп туктадылар гына. Бу хәлне күреп, ире Ринат шунда ук коткарырга суга сикерде. Ә Фәнисә тиз генә  телефоннан ашыгыч ярдәм чакырды. Ярдәмчел кешеләр... Һәм менә Фәнисә безнең белән сөенече белән уртаклашты. Малае туган!  Бәхете белән тусын! Казанның "Красный крест" балалар тудыру йортында. Соңрак бала белән фотоларын урнаштырырбыз.