Бүген иртәдән күңелсез хәбәр

Эшкә барышым иде. Каршыга район ветераннар советы җитәкчесе Рәмзия Хәмидуллина очрады. "Равил Габдрахманов вафат булган. "Зәңгәр чәчәк" җыры белән бөтен кешегә таныш.  Шунда барабыз", - диде ул. Әллә нишләп киттем. Кушлавыч клубында очрашуда булган идек. Каты авырудан соң авыррак йөргән Равил абыйны сәхнә үзгәртте дә куйды, дип уйладым шул чакта. Ул үзенең хитка әверелгән "Зәңгәр чәчәк" җырын башкарды, эшләгән елларын искә алды. Район бәйгесе барышында авылларга жюри составында йөрде, киңәшләрен, фикерләрен җиткерде. Бөтен гомерен мәдәният өлкәсенә багышлаган Равил абый әле дә сәнгать белән янып йөри иде. Ветераннар белән театр коллективы оештырып, спектакль куярга иде исәбе.

Тик... язмыш... явыз үлем... Равил абый, урының оҗмах түрләрендә булсын.

Гаиләсе, туганнарының олы кайгыларын чын күңелдән уртаклашабыз.