Контракт буенча эшкә урнаштыручы мобиль пунктлар эшли

Район мәшгульлек үзәгендә Бөтенроссия эшкә урнаштыру ярминкәсе булды. Шунда ук контракт буенча хәрби хезмәткә сайлап алу мобиль пункты да эшләде. Кызыксынучылар булды. Мобиль пунктта Арча һәм Әтнә районнары буенча армиягә чакырылучылар бүлеге җитәкчесе Елена Минемуллина ир-егетләргә  контракт шартларын аңлатты. “Контракт белән хәрби хезмәткә алыну әле ул кайнар ноктага эләгү дигән сүз түгел, – диде ул. – Сез армиянең төрле частенда хезмәт итәргә мөмкинсез”. Хезмәт ярминкәсенә Арчаның агросәнәгать һөнәр көллиятенең төзүчеләр әзерләүче филиалының чыгарылыш студентлары да килгән иде. Алар да контракт шартлары белән таныштылар. Мондый контракт буенча хәрби хезмәткә сайлап алучы мобиль пунктлар шәһәребезнең көнбатыш өлешендәге кибет янында, тимер юл вокзалында, “Җиңү” паркы, Арча үзәгендәге кибетләр янында эшли.