Татарстанда коронавирус инфекциясеннән тагын 3 үлем очрагы теркәлгән. Бу турыда Татарстан Сәламәтлек саклау министрлыгы матбугат хезмәте хәбәр итә.
Казанда яшәүче 1955 елда туган хатын-кызны Республика клиник йогышлы авырулар хастаханәсенә ике яклы полисегментар пневмония белән китергәннәр. Хатын-кызның хроник авырулары кискенләшү сәбәпле, хәле начарланган.
1963 елда туган хатын-кызны Казанның 7нче клиник хастаханәсенә ике яклы пневмония белән китергәннәр. Пациентның җитди хроник авырулары булган. Лаборатория тикшеренүләреннән соң аның коронавирус инфекциясеннән үлүе ачыкланган.
1953 елгы ир-ат Казанның 7нче клиник хастаханәсенә салына. Ике яклы пневмония барлыгы ачыклана. Шулай ук җитди хроник авырулары була. Аның коронавирус инфекциясеннән үлүе билгеле.
Якыннарының кайгыларын уртаклашабыз
Нет комментариев