Күрше районнардан да килгәннәр иде

"Шәрык" мәчетендә ТАССР ның 100 еллыгы, Арча районы оешуга 90  ел тулуга  hәм Татарстан Республикасы Мөселманнары Диния Нәзарәте игьлан иткән "Туган тел" елы уңаеннан "Мөнәҗәтләр – халкыбыз авызы" дигән мөнәҗәт кичәсе үткәрелде. Анда катнашу өчен Арча, Балтач, Биектау, Кукмара, Теләче районнарыннан да килгәннәр иде. Татарстан Республикасы. Мөслимәләр союзы берлеге җитәкчесе Наилә Җиһаншина, республиканың өлкән абыстае Сәйдә абыстай,  сәнгать мәктәбе җитәкчесе Гөлнара Бариева, район хатын кызлар советы җитәкчесе Альмира Гатауллина hәм Арча районы мөслимәләр берлеге рәисе Рая Фәтхуллина катнашты.