«Өммегөлсем» Күшәрдә үзен танытты

 "Өммегөлсем" халык фольклор коллективы Әтнә районы Күшәр авылында узган "Асылташ" этно-фольклор фестивалендә чыгыш ясады. Алар "Кияү мунчасы" йола күренешен күрсәттеләр. 
"Өммегөлсем" халык фольклор коллективы җитәкчесе Тәнзилә Вәлиева ТНВ каналында чыгучы "Халкым минем" тапшыруы һәм ГТРК Россия телеканалы өчен интервью бирде. "Фольклор күренешләр безгә үзебезнең тамырларга якынаерга ярдәм итә, үткән белән хәзерге тормышыбыз арасында бәйләнешне торгыза, югалган кыйммәтләрне табарга ярдәм итә", - дип билгеләп узды ул үзенең чыгышында. Бу хакта район мәдәният йорты сәнгать җитәкчесе Ләйлә Хәкимова хәбәр итә.