Россиядә күп балалы гаиләләр өчен яңа мөмкинлек
Инициатива күп балалы гаиләләргә ярдәм итүгә юнәлдерелгән, шулай ук алар өчен туристлык салымын гамәлдән чыгарырга тәкъдим ителә.
Дәүләт Думасының гаиләне яклау комитеты башлыгы Нина Останина Россия премьер-министры Михаил Мишустинга күп балалы гаиләләргә түләүле автомобиль юллары буенча бушлай йөрү хокукы бирү тәкъдиме белән мөрәҗәгать иткән. Бу хакта РИА Новости хәбәр итә.
Хөкүмәт башлыгына юнәлтелгән мөрәҗәгатьтә мондый чара күп балалы гаиләләргә финанс йөкләнешен киметергә ярдәм итәчәк һәм аларга социаль әһәмиятле объектларга керүне җиңеләйтәчәк, дип күрсәтелә.
Моннан тыш, күп балалыларга ярдәм кысаларында хакимият шулай ук бу гаиләләр өчен туристик салымны гамәлдән чыгару мөмкинлеген карый. 2025 елдан әлеге салым илнең барлык төбәкләрендә алыначак һәм җирле хакимият органнары билгеләячәк яшәү бәясенең процентын тәшкил итәчәк. Түләүсез йөрү һәм салымны гамәлдән чыгару турындагы тәкъдим инде карауга җибәрелгән, ул якындагы Хөкүмәт утырышларында каралыр дип көтелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев