Көнче ир хатынын үтергән: 6 бала ятим калган

автор, 14 декабрь 2022 - 09:52

1187

Башкортстанның Белорет районында яшәүче 36 яшьлек иргә карата «Саксызлык аркасында зыян күрүченең үлеменә китергән аңлы рәвештә сәламәтлеккә авыр зыян китерү» мәддәсе буенча хөкем карары чыгарылган. Бу хакта «Башинформ» хәбәр итә.

Көнче ир хатынын үтергән: 6 бала ятим калган

Тикшерү ачыклавынча, 2022 елның 17 июнендә ир белән хатын арасында көнләшү аркасында низаг килеп чыккан. Ярсыган ир хатынны кыйнаган, ул шунда ук алаган җәрәхәтләрдән үлгән. Ир гаебен таныган. Тикшерү барышында ул җинаятьнең сәбәпләрен һәм үтерү мотивларын хәтерләмәвен аңлаткан. Суд аны төзәтү колониясенә алты елга ирегеннән мәхрүм иткән.

Чыганак хәбәр итүенчә, хатынның өч ирдән икешәр баласы булган. Фаҗига элеккеге ирләренең берсенә көнләү аркасында килеп чыккан. Хатын эшләмәгән, балаларын тәрбияләләү белән генә шөгыльләнгән. Алар ире белән шәхси йортта яшәгәннәр. Ирнең үз бизнесы булган.