Адвокат ярты миллионга якын акча урлаган

Республика прокуратурасы хәбәр иткәнчә, 2017 елның февралендә адвокатка кеше үтергән өчен хөкем ителгән ир мөрәҗәгать иткән. Адвокат ирдән 550 мең сум күләмендә акча сораган. Ул ирне билгеләнгән вакыттан алда азат итү мәсьәләсен хәл итәргә вәгъдә биргән. Адвокат акчаны, янәсе, судьяга йогынты ясый ала торган кешегә тапшырмакчы булган.

Нәтиҗәдә, ул хөкем ителүченең әнисеннән алынган акчаны урлаган һәм шәхси ихтыяҗларына тотынган. Суд үтенечен канәгатьләндерүдән баш тарткач, хатын хокук саклау органнарына мөрәҗәгать иткән.

Әлеге вакытта җинаять эше Стәрлетамак шәһәр судына җибәрелгән.

Фото: "Башинформ" агентлыгы

https://kiziltan.rbsmi.ru/articles/khokuk/Advokat-yarti-millionga-yakin-akcha-urlagan-207430/