Арск-Информ
  • Рус Тат
  • Арчада мәчетләрдә намаз уку вакытлыча туктатыла (+видео)

    Бүген Арча үзәк мәчетендә җомга вәгазендә бу хакта район мөхтәсибе Әмир хәзрәт Миңнемуллин белдерде.

    Ул коронавирус таралу куркынычы уңаеннан Татарстан Диния Нәзарәте карарын укыды. Анда мәчетләрдә җәмәгать намазларын,шул исәптән җомга намазларын укуны да вакытлыча туктатып тору турында әйтелә.

    "Җомга намазын өйләрегездә өйлә намазы итеп укырга рөхсәт ителә" ,- диде Әмир хәзрәт.

    Реклама

    Бүген җомгага килүчеләр башка вакыттагыдан шактый ким иде. Аларны ишек төбендә үк каршы алып кулларын антисептик белән юдырдылар, һәркемгә маскалар өләштеләр.

    Җомга намазы үзе дә кыскартылды. Хәзрәт вәгазеннән соң мөселманнар хөтбә тыңладылар һәм ике рәкәгать фарыз намазы укып таралыштылар. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: