Арча урамнарында патрульләр көчәйтелде

Бүген, 10 апрельдә, Татарстан Республикасы Президенты таләбе буенча урамнарда йөрүчеләрне тикшерү  көчәйтелде. Безнең Арчада хәл ничек? Бу сорау белән Арча районы буенча эчке эшләр бүлеге җитәкчесенең җәмәгать тәртибен саклау буенча урынбасары, полиция подполковнигы Фәнил Гайнетдиновка мөрәҗәгать иттек.

-- Әйе, дөрестән дә бүгеннән Арча районында җәмәгать тәртибен саклаучы нарядлар көчәйтелде, -- диде ул. -- Район халкыннан махсус режим таләпләрен катгый үтәүләрен сорыйбыз.