Башкалар исәбенә яшәмәкче

Арча шәһәрендә яшәүче 40 яшьлек Фәнис Гыйлаҗев быел 18 август кичендә шәһәрнең Совет мәйданыннан үткәндә эскәмиядә утырган ир кешене күрә.

Янына килеп аннан акча таләп итә башлый. Тегесе бирүдән баш тарта. Шуннан Гыйлаҗев моның битенә суга, чалбар кесәсеннән 8 мең сум акчасын алып китеп бара.

Ф.Гыйлаҗев рәсми рәвештә эшкә урнашмаган, элек көч кулланып чит милекне урлаган өчен хөкем ителгән булган.

Ул җинаять эшләүдә гаебен таныды, зыян күрүчегә килгән зыянны түләде.

29 ноябрьдә Арча район суды Ф.Гыйлаҗевны 3 ел сынау срогы белән 2 ел 2 айга шартлы рәвештә ирегеннән мәхрүм итте.

Хөкем карары әлегә законлы көченә кермәгән.

Р.Газизов, Арча районы прокуроры урынбасары, юстиция киңәшчесе