Реклама
Арча яңалыклары
Биш бәрәңге һәм ике сосискага 14 көн яшәп буламы?
Карелиянең Питкяранта шәһәрендә аз тәэмин ителгән гаиләләрдәге мәктәп укучыларына ике атнага исәпләп, азык-төлек җыелмасы биргәннәр. Сухпаек, бер сүз белән әйткәндә.
Мактауга лаек гамәл, бер карасаң. Ләкин сухпаекның ике сосискадан, биш-алты бәрәңгедән, маргариннан, шикәр белән оннан гына торганнын күргәч, сорау туа: “Бу ризыклар ике атнага җитәрме соң?”
Питкярант районы хакимияте башлыгы Дмитрий Трошин “ВКонтакте” социаль челтәрләрендәге битендә: “Азык-төлек җыелмасын комплектлау буенча җаваплы мәктәп туклануы директоры эшеннән азат ителде. 9 апрельдән балалар яңа җыелма ала башлаячак,” дип хәбәр иткән.
Тагын да бер чыганактан бу хәлне болай дип аңлатканнар: “Мәктәп туклануы комбинатында продуктлар җитмәгән, шуңа күрә учреждение башлыгы запаста нәрсә булган, шуны биргән”.
Фото: medusa.io
Чыганак: medusa.io
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев