-- Барыбыз да, мәктәп балалары, студентлар да, интернетта утыра башлагач, интернетның куәте җитәрме соң? -- дип шалтыраталар редакциягә.
Сүз студентларның һәм мәктәп укучыларының дистанцион укуы турында бара.
Без бу сорауны Арча ЗУЭСының баш инженеры Әнәс Ахунҗановка бирдек.
-- Артык борчылырлык урын юк. Безнең төп коммуникация юллары (Арча--Казан, Арча-- авыллар) зур запас белән эшләнгән, -- дип җавап бирде Әнәс Әдһәмович. -- Клиентларның тариф планы ничектер? Электрон элемтә тариф планына да бәйле. Элемтә чыбык аша килсә, проблема юк. ә менә мобиль интернет белән тизлек акрынаерга, өзеклекләр булырга мөмкин.
-- Хәзер күп кешедә Wi-Fi. Гаиләдә берүк вакытта берничә кеше вай--файда утырса, тизлек акрынаерга, өзеклек булырга мөмкинме?
-- Юк. Әгәр дә интернет белән бәйле проблемалар, сораулар булса, безгә мөрәҗәгать итәргә кирәк.
Хәзер Арча һәм Арча районы яңалыкларын безнең МАКС каналыннан да белә аласыз
Нет комментариев