Террорга каршы көрәш комиссиясенең чираттагы утырышы булды

Утырышта Россия Эчке эшләр министрлыгының Арча районы буенча бүлек җитәкчесе вазыйфаларын вакытлыча башкаручы Р.Котдусов “Республика көне һәм бердәм тавыш бирү көннәрендә террорлык актларын кисәтү һәм җәмәгать куркынычсызлыгын көчәйтү буенча өстәмә чаралар турында”, район  мәгариф идарәсе җитәкчесе урынбасары Л.Ильина “Мәгариф оешмаларының террорга каршы сакланганлыкның торышы турында”, район мәдәният идарәсе җитәкчесе И.Әюпов мәдәният объектларының куркынычсызлыгын тәэмин итү, ведомстводан тыш сак бүлеге җитәкчесе Р.Фәйзрахманов террорга каршы көрәшне көчәйтү чаралары турында чыгыш ясадылар. Яңа Кишет һәм Сеҗе авыл җирлекләре башлыклары Э.Минҗанова, Р.Хәмидуллин үзләрендәге эш тәҗрибәсе белән уртаклаштылар.

Террорга каршы көрәш комиссиясе секретаре Г.Әхмәдуллина Татарстан Республикасында террорга каршы көрәш комиссиясе йөкләмәләрен һәм район комиссиясе кабул иткән карарларның үтәлешенә контрольнең торышы турында сөйләде.

Тикшерелгән мәсьәләләр буенча карарлар кабул ителде.