Роспотребнадзор дистанцион укуда эш урынын оештыру буенча киңәшләр бирде

Роспотребнадзор белгечләре укучының дистанцион укуда эш урынын оештыру буенча киңәшләр бирде.

Иң элек эш урынының урнашуына игътибар итәргә кирәк — өстәл тәрәзә янында торырга тиеш.

«Хәтта табигый ут чыганагы (тәрәзәләр) булганда да, өстәлдә өстәл лампасы булырга тиеш. Күләгә комачауламасын өчен, уңагай бала өчен лампаны сул якка, сулагайлар балалар өчен уң якка куярга кирәк», — дип билгеләп үтәләр Роспотребнадзорда.

Компьютер мониторы укучы алдында, күздән 600-700 мм ераклыкта урнашкан булырга тиеш.

Китапларны күздән кул озынлыгында махсус җайланмада тотырга кирәк, бу муенга йөкләнешне киметә һәм күзләрне саклап калырга мөмкинлек бирә.

Шулай ук дәрес вакытында укучыга урындыкта тирән утырырга, корпусны һәм башны тигез тотарга кирәк. Өстәл кырыена күкрәк белән таянырга ярамый.

Җиһазлар сайлауга аерым игътибар бирергә кирәк. Һәр 30-45 минут саен физик күнегүләр һәм күзләр өчен гимнастика үткәрергә кирәк.

Татар-информ